نعت حسابات على مواقع التواصل الاجتماعي، ميرنا غمراوي، من منطقة البداوي في الشمال، والتي قيل إنّها فارقت الحياة بسبب عدم توافر الكهرباء وهي كانت بأمسّ الحاجة للتهوئة أو التكييف لأنّها حامل بتوأم بالشهر الثامن. وكتبت إحدى صديقاتها على “فيسبوك” أن “ميرنا ماتت من الشوب لأنو مقطوعة الكهرباء”.
وتابعت: “ميرنا اختنقت لأن ما في هوا تتنفسو ومع وصول الصليب الأحمر كانت فارقت الحياة. ميرنا بالـ2020 انقطع نفسها ونفس أطفالها يلي نطرت مجيئهم سنين طويلة وراحت ضحية صفقات الحرامية وعديمي الضمير ببلادنا. ميرنا كانت عطول تعتل هم قطعة الكهربا وتنق من الشوب وحال البلد إلى أن نهبت حياتها وفارقتنا إلى الأبد”.
وقالت: “يلي بيعرف ميرنا بيعرف قديش تحدت الحياة وظروف البلد ودايماً بالضحكة والنكتة”. وأرفقت منشورها بوسوم “شهيدة كهرباء لبنان” و”شهيدة صفقات الزعران” و”ما خلوها تعيش”.
وختمت: “هنّي بدن بس ما خلوون، وما خلو ميرنا تعيش وتشوف ولادها ويشوفوها. الله يرحمك”.
ونشرت الفنانة إليسا على حسابها عبر "تويتر"، صورة للراحلة ميرنا، وأرفقتها بالتعليق: "كان بدي ركز على شغلي تا خلي مساحة للفرح عند الناس، بس كل يوم منعيش مأساة جديدة، سيدة حامل تموت خنق من الشوب لأنو ما في كهربا. لوين بعد بدكن يانا نوصل؟ هيك مأساة بتستقيل عليها دولة بكاملها من رئيس الجمهورية، فل وخود كل الفاسدين معك. كلن يعني كلن"
يلفت موقع Mustaqbal Web الإلكتروني إلى أنّه ليس مسؤولًا عن التعليقات التي ترده ويأمل من القرّاء الكرام الحفاظ على احترام الأصول واللياقات في التعبير.